شيلة مصيري

http://safeshare.tv/w/GPpnFwAuFU

يـاحـظ كـثـر العـنـا من هـو عـلـى شـانــه
ووش هو مصيري معك في وقتي التالـي


مــن ضيـقـة الـصـدر كـنـي وســط زنـزانـه
لــي عــام واكـثـر وانــا متغـيـرٍ ن حـالــي

نفسـي عـلـى الخـايـع الممـطـور ولهـانـه
وعـن زحمـة النـاس ودي بالخـلا الخـالـي

تغـيـب عـنــي هـمــوم الـقـلـب واحـزانــه
لاغـــاب عـــن تغـطـيـة لـرســال جـوالــي

وتــوانــك الـجـيــب لـلـمـطـراش مـلـيـانــه
لـكـن ويــن الـخـوي الـلـي عـلــى بـالــي

الـلــي يــصون الـصـداقـه مـعــه من صـانـه
مـاهــوب مـــره رخـيــص ومــــرةٍ غــالــي

بـيــنــي وبـيــنــه صــداقـــة ود ومــيــانــه
وان ماتـهـيـا قـطـعـة الـفـرجــه اِلـحـالــي

مـادام نفسـي عـلـى المنـهـاج نشطـانـه
بهـدي لهـا جــل وقـتـي وارخــص ريـالـي

واقـطـع فـجــوج الـخــلا واشـــوف حـيـانـه
واســج فــي كــل خـبـتٍ مـابــه ازوالـــي

الخـبـت عـنــدي ولا الـســوده وشيـبـانـه
خـــص ٍ ليـاجـيـت روض نـبـتـه اشـكـالـي

وسمعـت طيـر الحـمـام ايكـوسـر الحـانـه
وشمس العشي مالت وخالفني اضلالي

وارتــاح لارخــى ظـــلام الـلـيـل جنـحـانـه
وجـريـت جـمـر المـنـاره تـحـت معـدالـي

اســج واســري بفـكـري واطـلـق اعنـانـه
يـحـلالــي الـلـيــل والتـفـكـيـر يـحــلالــي

افــكــر بـصــنــع رب الــكـــون سـبـحـانــه
ويمضـي بــي الـوقـت وانــا دالــه سـالـي

يـــومٍ ن بــعــض الاوادم صــخــر الـسـانــه
لمجالـس اهــل الخـنـا والقـيـل والقـالـي

زيــن لــه ابلـيـس عــرض افــلان وافـلانــه
يبـهـت ويهـتـك عـسـى مافـالـه ابـفـالـي

صحـيـح بـعـض المجـالـس مـالـهـا خـانــه
والبـعـد عـنـهـا بـجــو الـوحــده اشـوالــي

تغـيـب عـنــي هـمــوم الـقـلـب واحـزانــه
لاغـــاب عـــن تغـطـيـة لـرســال جـوالــي