إنه يقول المنعا

http://safeshare.tv/w/TuKSnzAfkX

انه يقول المعنى *** يا ناس قلبه تعنى
والزين ما سال عنا *** وش عذر حضرة جنابه

ضاقت عله الوساعي *** والفكر ما عاد ياعي
مال الصدود أي داعي *** يا زين هجرك غلابة

ذا جرح ماله مداوي *** والحال يشويه شاوي
يا زين ويش انت ناوي *** قلبي تزايد عذابه

لو قال زادت همومه *** لو قال ما جاه نومه
يا صاحبي لا تلومه *** خله يضمد صوابه

من جاك يشكي جروحه *** تكفى ترفق بروحه
والمعذرة والسموحه *** لو صاح من حر مابه

كان الغلا ما يبينا *** والا تغلا علينا
ما عاد وده يجينا *** من باعنا ما لنا به

الود ما هو غصيبه *** واللي رحل وش نبي به
دام الوفاء ما يجي به *** ما أظن ينفع جوابه

ما نطرد اللي تغلا *** واللي تغلا يخلا
ما دام عني تسلا *** يا ناس عادي غيابه

رحلة شعور نقية *** في صورة هاجسية
تحكي مشاعر خفية *** والفكر عانق سحابه

هذي هي آخر علومي **في روحتي والقدومي
ما بين ليلي ويومي ***والعلم هذا كتابه

تشكرات على المرور نورتوا موضوعي